ភ្នំពេញ៖ នាយករដ្ឋមន្ត្រីកម្ពុជា សម្ដេចធិបតី ហ៊ុន ម៉ាណែត បានអញ្ជើញត្រឡប់មកដល់ប្រទេសកម្ពុជាវិញហើយនៅរសៀលថ្ងៃទី២០ ខែមករា ឆ្នាំ២០២៤។
ជើងយន្តហោះពិសេសនៃរាជរដ្ឋាភិបាលកម្ពុជាបានចុះចតនៅព្រលានយន្តហោះអន្តរជាតិភ្នំពេញនៅម៉ោងប្រមាណ ៣ រសៀលថ្ងៃសៅរ៍នេះ។
គួរដឹងផងដែរថា នាយករដ្ឋមន្ត្រីបានដឹកនាំប្រតិភូនៃរាជរដ្ឋាភិបាលកម្ពុជា ធ្វើដំណើរទស្សនកិច្ចទៅកាន់សាធារណរដ្ឋបារាំងចាប់ពីថ្ងៃទី១៣ ខែមករាមក ដើម្បីបង្កើនចំណងទំនាក់ទំនងរវាងប្រទេសទាំងពីរ ជាពិសេសទាក់ទាញអ្នកវិនិយោគបារាំងបន្ថែម និងពង្រីកការវិនិយោគមកកម្ពុជា៕